મહારાષ્ટ્રના કલ્યાણ-અહિલ્યાનગર હાઇવે પર એક ભયાનક માર્ગ અકસ્માતમાં 11ના મોત થયા છે.  આ ટક્કર રાયતા બ્રિજ પર થઈ હતી, જ્યાં એક સિમેન્ટ મિક્સર ટ્રક અને મુસાફરોથી ભરેલી ઇકો કાર સામસામે અથડાયા હતા. આ અકસ્માતમાં ઇકો કારમાં મુસાફરી કરી રહેલા આઠ મુસાફરોના ઘટનાસ્થળે જ મોત થયા હતા, જ્યારે બે અન્ય મુસાફરોનું હોસ્પિટલમાં સારવાર દરમિયાન મોત નીપજ્યું હતું.

કાર અને ટ્રક વચ્ચે અકસ્માત 

પ્રાથમિક માહિતી અનુસાર, ઇકો કાર કલ્યાણથી મુરબાડ તરફ જઈ રહી હતી. પાંચ સીટર વાહનમાં 12 મુસાફરો હતા. કાર મુરબાડ તરફ ઝડપથી જઈ રહી હતી ત્યારે રાયતે બ્રિજ પર, તે વિરુદ્ધ દિશામાંથી આવી રહેલા સિમેન્ટ મિક્સર ટ્રક સાથે સામસામે અથડાઈ. ટક્કરની અસર એટલી ગંભીર હતી કે આખી કાર સંપૂર્ણપણે ક્ષતિગ્રસ્ત થઈ ગઈ હતી. પરિણામે, મુસાફરોને પ્રતિક્રિયા આપવાનો કે પોતાને સંભાળવાનો મોકો પણ મળ્યો નહીં.