આ વર્ષની સૌથી મોટી ફિલ્મ 'ધુરંધર 2' વિશ્વભરના સિનેમાઘરોમાં રિલીઝ થઈ ચૂકી છે. આ ફિલ્મ બોક્સ ઓફિસ પર ધમાકેદાર પ્રદર્શન કરી રહી છે. ફિલ્મ મેકર્સે તેને સુપરહિટ બનાવવા માટે એક નવી રણનીતિ અપનાવી હતી અને 'ધુરંધર 2'ની રિલીઝના એક દિવસ પહેલા 'પેઈડ પ્રિવ્યૂ' આયોજિત કરવામાં આવ્યા હતા. તે દિવસે પણ દર્શકોએ મોટી સંખ્યામાં ટિકિટ બુક કરાવી હતી અને ફિલ્મ રિલીઝ થાય તે પહેલા જ તેને જોવા માટે ભારે ભીડ ઉમટી પડી હતી, તેથી ફિલ્મે રિલીઝ પહેલા જ કરોડોની કમાણી કરી લીધી હતી. ત્યારથી આ ફિલ્મ દરરોજ ધુઆંધાર કલેક્શન કરીને ઐતિહાસિક પ્રદર્શન કરી રહી છે. ચારે બાજુ ધુરંધર 2ની જ ચર્ચા થઈ રહી છે પરંતુ હવે પાયરસીએ આ ખુશી પર પાણી ફેરવી દીધું છે. ધુરંધર 2ની એચડી પ્રિન્ટ ઓનલાઈન લીક થઈ ગઈ છે.
ધુરંધર 2ના બોક્સ ઓફિસ કલેક્શન પર અસર પડશે
ફિલ્મ ઈન્ડસ્ટ્રી દ્વારા પાઇરેસી રોકવા માટે કડક પગલાં લેવા છતાં, ધુરંધર 2નું ઓનલાઈન લીક થયેલ પ્રિન્ટ ફક્ત તેના બોક્સ ઓફિસ પ્રદર્શનને જ નહીં પરંતુ આ પ્રોજેક્ટને સફળ બનાવવા માટે સખત મહેનત કરનારા દરેક વ્યક્તિની મહેનતને પણ નુકસાન પહોંચાડી શકે છે. પાઇરેસી માત્ર ફિલ્મો ચોરી જ નથી કરતી પરંતુ આ ફિલ્મોના નિર્માણમાં ફાળો આપનારા અસંખ્ય કલાકારો અને ટેકનિશિયનોના સમર્પણ અને મહેનતનો પણ નાશ કરે છે. તેથી, પાઇરેસી માત્ર અનૈતિક જ નથી પણ ભારતના 'કોપીરાઇટ એક્ટ, 1957' હેઠળ સજાપાત્ર ગુનો પણ છે. તેથી, દર્શકોને વિનંતી છે કે તેઓ ફિલ્મ જોવા માટે ફક્ત કાનૂની અને સત્તાવાર માધ્યમોનો ઉપયોગ કરે, જેથી સર્જનાત્મકતાને તક મળે અને કલાકારોનો ઉત્સાહ અકબંધ રહે.