ફવાદ ખાનની ફિલ્મ પર મુકાયો પ્રતિબંધ

આ દરમિયાન સોશિયલ મીડિયા પર બંને દેશો વચ્ચે યુદ્ધ જોવા મળી રહ્યું છે. થોડા દિવસો પહેલા ભારતે પાકિસ્તાની અભિનેતા ફવાદ ખાનની આગામી ફિલ્મ અબીર-ગુલાલની રિલીઝ પર પ્રતિબંધ મૂક્યો હતો, હવે વધુ એક મોટા સમાચાર આવ્યા છે કે મોટા પાકિસ્તાની કલાકારોના ઈન્સ્ટાગ્રામ એકાઉન્ટ ભારતમાં દેખાતા નથી. તેમાં હાનિયા આમિર, માહિરા ખાન, આયેઝા ખાન, ઈકરા અઝીઝ જેવા ઘણા મોટા નામનો સમાવેશ થાય છે. આ કાર્યવાહીને કારણે કલાકારોના ફેન્સ ખુબ જ આશ્ચર્યચકિત છે અને સમજી શકતા નથી કે આવું કેમ થઈ રહ્યું છે?

Also Read

• PMની વધુ એક ઉચ્ચસ્તરીય બેઠક, આતંકવાદીઓનો સફાયો કરવા તૈયાર કરાયો સિક્રેટ પ્લાન!
• Malaika Aroraની મુશ્કેલીમાં થયો વધારો, કોર્ટ જાહેર કરશે તેની વિરૂદ્ધ બિનજામીનપાત્ર વોરંટ?
• Actors Who Died Cancer: આ સ્ટાર્સે પણ કેન્સરને કારણે દુનિયાને કહ્યું અલવિદા

કલાકારોના ઈન્સ્ટાગ્રામ એકાઉન્ટ દેખાતા બંધ થયા

માહિરા ખાન, આયેઝા ખાન, હાનિયા આમિર, ઈકરા અઝીઝ, સજલ અલી જેવા પાકિસ્તાની સ્ટાર્સનું ભારતમાં ખુબ જ મોટું ફેન ફોલોઇંગ છે. ભારતમાં પાકિસ્તાની સિરિયલોના ઘણા ચાહકો છે. હમસફર, મેરે હમસફર, ખુદા ઔર મોહબ્બત જેવા શો ભારતમાં ખૂબ જ પસંદ કરવામાં આવે છે, જોકે, હવે ફેન્સ તેમના મનપસંદ સ્ટાર્સના ઈન્સ્ટાગ્રામ એકાઉન્ટ્સ જોઈ શકતા નથી, જેના કારણે તેઓ ખૂબ જ નિરાશ જોવા મળી રહ્યા છે.

સોશિયલ મીડિયા પર હોબાળો યુદ્ધ જેવી સ્થિતિ

સોશિયલ મીડિયા પર બંને દેશના લોકો વચ્ચે યુદ્ધ જેવી સ્થિતિ છે. ઘણા દિવસોથી ભારતમાં પાકિસ્તાની સ્ટાર્સ પર પ્રતિબંધ મૂકવાની ચર્ચાઓ ચાલી રહી છે. બોલિવૂડના ઘણા લોકોએ પણ આ પ્રતિબંધ પર પોતાનો અભિપ્રાય વ્યક્ત કર્યો છે. આવી સ્થિતિમાં પ્રશ્ન એ ઊભો થાય છે કે શું પાકિસ્તાની કલાકારોના ભારતીય ફેન્સ ખરેખર તેમના મનપસંદ કલાકારોના શો અને સોશિયલ મીડિયા એકાઉન્ટ્સ જોઈ શકશે નહીં? જો કે હાલમાં સરકાર તરફથી આ અંગે કોઈ સત્તાવાર માહિતી આવી નથી.