મધ્ય પૂર્વ યુદ્ધે ક્રૂડ ઓઇલના ભાવમાં વધારો કર્યો છે. દિવસ જાય તેમ ક્રૂડ ઓઇલના ભાવ વધતા જાય છે. બીજી તરફ ગેસ અને ઓઇલનો જથ્થો લઇને ભારતમાં કુલ 3 જહાજો આવ્યા છે.  ત્યારે આવો જાણીએ 18 માર્ચના રોજ દેશના મોટા શહેરોમાં પેટ્રોલ ડીઝલના ભાવમાં શું ફેરફાર આવ્યો.

ક્રૂડ ઓઇલના ભાવમાં વધારો

ઈરાન અને ઈઝરાયલ વચ્ચે ચાલી રહેલા સંઘર્ષ વચ્ચે, બુધવારે આંતરરાષ્ટ્રીય બજારમાં ક્રૂડ ઓઈલના ભાવમાં ફરી એક વાર તીવ્ર ઉછાળો જોવા મળ્યો. પરિણામે, ક્રૂડ ઓઈલના ભાવ ૧૦૩ ડોલર પ્રતિ બેરલને પાર કરી ગયા. વિશ્વભરના દેશો અને નિષ્ણાતો એવી અપેક્ષા રાખી રહ્યા હતા કે ઈઝરાયલ અને ઈરાન વચ્ચેનો સંઘર્ષ શાંત થયા પછી, નજીકના ભવિષ્યમાં ક્રૂડ ઓઈલના ભાવમાં ઘટાડો જોવા મળી શકે છે. જોકે, આ દરમિયાન, ઈરાની સંસદના સ્પીકર મોહમ્મદ બાઘર ગાલિબાફના એક નિવેદને સમગ્ર વિશ્વને આશ્ચર્યચકિત કરી દીધું છે.