Pew Research Centerના નવા સર્વેમાં ભારત અને પાકિસ્તાનના લોકોની એકબીજા અંગેની ધારણામાં મોટો તફાવત સામે આવ્યો છે. સર્વે અનુસાર 43 ટકા પાકિસ્તાની લોકો ભારતને પોતાના દેશ માટે સૌથી મોટો ભૂ-રાજકીય ખતરો માને છે, જ્યારે 54 ટકા ભારતીયો પાકિસ્તાનને સૌથી મોટો ખતરો માને છે. પાકિસ્તાનમાં 75 ટકા લોકોએ ચીનને પોતાનો સૌથી મહત્વપૂર્ણ સહયોગી ગણાવ્યો છે. બીજી તરફ ભારતમાં 36 ટકા લોકોએ રશિયાને સૌથી મહત્વપૂર્ણ સહયોગી ગણાવ્યો છે, જ્યારે 16 ટકા લોકોએ અમેરિકાને પસંદ કર્યું છે. સર્વે બંને દેશો વચ્ચેના સતત અવિશ્વાસ અને તેમની અલગ અલગ વૈશ્વિક ભાગીદારીને દર્શાવે છે.